130

REGISTRES DU BUREAU

[1507]

rue : les ungs jusques à dix huit piez et mieulx, les autres jusques à vingt piez et mieulx, et les autres jusques à xxim piez. Et neantmoins pour seurement besongner en ceste matiere, a esté dit et conclud (]ue derechef, demain à quatre heures de matin, seront par lesd, maistres des euvres ès presences de mond. s^r le president, de mesd. s™ Du Refuge et de La Haye, aucuns de mess" des Comptes et de Chappitre de Paris, desd. Prevost et Eschevins, et aucuns Conseillers, Quarteniers et bourgois d'icelle ville, tendues deux lignes procedans du millieu dud. bout du pont, ayans leur regard : l'une jusques au millieu du bout de la rue de la Juyiïe seullement, et l'autre plus avant jusques au millieu du ruisseau soubz la porte du Pelit Pont; pour veoir par eulx lequel des deux alignemens sera le plus droit et convenable, et à laquelle largeur l'on se debvra arrester pour le mieulx et moindre inconvenient, préposée toutes-voyes la beaulté, aisance et decoracion de la ville, et du tout fait raport à la Court pour par elle en ordonner. Et au regard des interestz et dommaiges que pourront avoir et pretendre les proprietaires des maisons qu'il conviendra retrancher pour ledit es-largissement, a esté conclud que quant à present ne se pourroit discuter, car il conviendra oyr les parties et semblablement ceulx qui ont rentes sur lesd, maisons; par quoy est remise ceste matiere jusques après le retranchement fait, pour mieulx congnoistre yceulx dommaiges et quelle recompense y escherra.

Et le lendemain à feure dessusd., furent par lesd, maistres des euvres, es presences de mond. s^r le president, de mess" maistres Pierre Du Refuge et Jehan de La Haye, conseillers en la Court de Parlement, de maistres.....de Louviers chanoine de

Paris, Nicole Viole correcteur des Comptes, desd. Prevost et Eschevins, et plusieurs des Conseillers, Quarteniers et bourgois de la Ville, tendues les deux lignes. Tous lesquelz cheminèrent par plusieurs fois le long de la rue d'un bouta autre et jusques à Petit Pont, pour bien tout veoir, et considerer lequel des deux alignemens seroit le meilleur et plus convenable à tenir, et sur quelle largeur.

Et après que le tout a esté bien entendu et digéré, mond. s^r le president ordonna ausd, maistres des euvres faire du tout leur raport, pour en advertir la Court et par elle en ordonner ce qu'elle verroit estre à faire.

Ce qui a esté fait, dont s'en est ensuyt l'arrest cy après escript :

Arrest que la rue, dès le bout du pont Nostre Dame jusques à Petit Pont, sera eslargie jusques à xx pieds.

Extraict des Registres de Parlement.

"Veue par la Court la deliberacion prinse en la Chambre du Conseil, pour savoir commentl'on pourroit convenablement eslargir la rue depuis le bout du pont Nostre. Dame jusques au Petit Pont, pour y avoir d'ores en avant plus facile aisance et commodité de passaige, tant pour charroy que gens de cheval et de pié;

"Veu aussi le raport de Jehan de Felin et Bastian de Caumont, maistres des euvres de maçonnerie et charpenterie de lad. ville, et de Didier Gobert, maistre charpentier, lesquelz ont fait deux alignemens, par le premier desquelz lad. rue seroit de largeur de trois toises, et par le second de trois toises deux piez, lequel second alignement leur semble meilleur et plus convenable pour plus grant beauté et aisance de passaige; et tout consideré:

"La Court a ordonné et ordonne, en ensuivant lesd, deliberacion et advys, que selon led. second alignement, lad. rue, dès le bout dud. pont Nostre Dame jusques à Petit Pont, sera eslargie jusques à lad. largeur de trois toises deux piez ; et pour ce faire prins sur les maisons de lad. rue d'un costé et d'autre ce qui sera besoing, jusques au parfournisse-ment desd, trois toises deux piez, à prendre dix piez de chascun costé de lad. rue. Et seront tenuz les Prevost et Eschevins de lad. Ville faire fere les fondemens des murs des maisons qu'il conviendra desmolir pour l'eslargissement de lad. rue le long du pavé, d'un costé et d'autre, jusques au rez de chaussée; et aussi faire fere les desmolicions qu'il conviendra faire à l'occasion dud. élargissement, le tout aux despens desd. Prevost et! Eschevins, et sauf aux proprietaires desd, maisons qu'il conviendra démolir, leurs interestz et dommaiges telz qu'i seront trouvez avoir souffert et soiistenuz à l'occasion desd, démolitions,'eu regard à'Ia commodité que lesd, maisons auront au moyen dud. eslargissement de la rue plus qu'elles ne souloyent avoir, et sauf à déduire sur lesd, interestz et dommaiges ies despens qui seront faiz par lesd. Prevost et Eschevins pour raison desd, fondemens et demolicions, telz que de raison.

"Fait en Parlement le xxiii⁰ jour de Juillet, l'an mil v" et sept. "

Ainsi signé : Le Camus.